JOLAS KOOPERATIBOAK

 Andrea Alberdi, Eider Alday, Amaia Gallego, Nerea Garmendia eta Ane Izagirre.

JOLAS KOOPERATIBOAK

            Jolas bilduma hau osatzen duten jolasak hainbat azpi ataletan antolatu ditugu. Sailkapen hau egiteko aukeratu dugun irizpidea jolasek eskatzen duten esfortzu fisikoa izan da; horrela, jolas lasaiak, aktiboak eta oso aktiboak bereizi ditugu. Aipatu behar dugu, sailkapen hau ez dela itxia; hau da, subjektiboa eta malgua da eta gure iritziaren arabera egin dugu.

5.1. Jolas lasaiak:

Jolasaren fitxa

-Jolasaren izena:  Armiarmaren sarea. -Iturria (nondik hartu den jolasa): Villanueva, M. (2012). -Helburuak: + Gelan integrazioa eta beraien arteko elkarrezagutza sendotzea. + Gelako kide guztien parte hartzea eta denen lankidetzarekin pieza bakar bat osatzeak sortzen duen plazera. + Gelakide guztiak gelako guztientzat beharrezko pieza direla ohartzea. -Haurraren adina: 4-5 urtetik aurrera. -Partaide kopurua: 20 pertsona inguru. -Materiala: Artile mataza -Deskribapena:  Hasieran jokalari batek artilezko mataza bat eskuan duelarik nori pasa nahi dion erabaki behar du. Jokalari bat arduratuko da bere lagunek aukeratzen duten arabera mataza esku batetik bestera pasatzeaz sarea sortu arte. Sarea osatu ondoren, hau desegiteko jokalariek gogoratu behar dute alderantziko bidea.Garrantzitsuena artilea ez askatzea da. -Jolasa praktikan jarri ondoren talde-hausnarketa (nola irten den jolasa, egin daitezkeen moldaketak, etab.): Oso jolas interesgarria izan da. Izan ere, alde batetik, memoria lantzeko balio izan die nork pasa dien artilea gogoratu behar zutelako. Bestalde, norbaitek nork pasa zion gogoratzen ez zuenean elkar laguntzen zuten eta denen artean gogoratzen zuten. Denak batera lan eginez, lortu dute alderantzizko bidea egitea. Jolas honek adiskide berrien izenak ikasteko ere balio dezake. Aldaera: hasiera batean, gela bi talde txikitan banatu dugu artilearen alderantzizko bidea hain zaila izan ez zedin. Ondoren, gela guztiaren artean egin dugu armiarma-sarea. Gainera irudia argi zutenean, hau da, ekintzaren erdiko momentuan, haurrek irakasleak bere zatia askatuko du, eta bitartean azalduko du denak garela sarea eusteko zati garrantzitsuak eta baten falta denean desegiten dela. Bukatzeko taldean denen kolaborazioa eta presentzia beharrezko zaizkigula denoi aipatzen die. -Jolasaren argazkia/marrazkia:

Jolasaren fitxa

-Jolasaren izena: Eskultorea eta estatua. -Iturria (nondik hartu den jolasa): Atsedena aisialdi taldea. -Helburuak:  + Haurren arteko kontaktua landu gidatzerako orduan eta sorbaldan ikutzerakoan; gainera, etengabeko kontaktuan daude. + Haurren koordinazioa, haurrak “eskulturak” osatzean. + Portaera pro-sozialak (laguntza ematea eta aldi berean, jasotzea); “eskultura” laguntza eman behar dio besteari mugitzerako orduan. -Haurraren adina: 4-5 urtetik aurrera. -Partaide kopurua: Nahi duten haur guztiek jolastu ahal dute, baina binaka jarri behar direla kontuan hartuta. -Materiala: Baloiak, zintak eta zapiak. -Deskribapena:  Bikoteka, bat eskultorea izango da eta bestea estatua. Eskultoreak estatua modelatu egingo du bere hankak, eskuak, burua… mugitzen.  Gero papelak aldatuko dituzte eta jolasa berriz hasiko da. Estatua moldatzeko, zapiak, baloiak, zintak…erabili ahalko dute. -Jolasa prakikan jarri ondoren talde-hausnarketa (nola irten den jolasa, egin daitezkeen moldaketak, etab.): Oso ondo ulertu zuten jolasa eta oso ondo aritu ziren, asko gustatu zitzaien. Jolasa egiteko, baloiak erabili genituen eta horien erabili zituzten “eskultura” eratzerako orduan; nahiz eta batzuek ez erabili nahi. Irudimena asko landu zuten (batek “lehoi” bat egin zuen beste batek “spriderman”…). -Jolasaren argazkia/marrazkia:

Jolasaren fitxa

-Jolasaren izena:  Hondarrezko zakutxoak -Iturria (nondik hartu den jolasa): Garaigordobil, M. (2002) -Helburuak: + Elkar laguntzea: besteek laguntza behar dutela konturatu eta berarengana hurbiltzea. Elkar laguntzeko interesa azaldu eta horren garrantziaz ohartzea. +Hitzik gabe komunikatzea: Zakutxoa erortzean hitz egin gabe besteei laguntza eskatzen jakitea keinuak erabiliz. +Besteen beharrez ohartzea: norbait keinua ari denean laguntza behar duela konturatzea eta honen aurrean erreakzionatzea. -Haurraren adina: 5 urtetik aurrera. -Partaide kopurua: 10-30 pertsona. -Materiala: Zakutxoak. -Deskribapena:  Bakoitzak buruan hondarrezko zakutxo bat dauka eta gelan ibiliz doa. Zakutxoa erortzen zaiona izoztuta gelditzen da eta beste lagun bat izoztuta dagoela konturatu eta laguntzera joan arte mugitu barik egon behar du. Laguntzera doanak berriro zakutxoa buru gainean jartzen dio eta ostera mugitzen hasten da. Jolas honen interpretazioa honakoa da: ikusi egin behar dute nork behar duen laguntza, hots, zein dagoen izoztuta. Ondoren, laguntzeko jarrera eduki behar dute gerturatu eta zakutxoa jartzeko. Horrez gain, lagundu bitartean zakutxoa eror dakioke laguntzen ari denari, hau da, izoztuta gera daiteke; beraz, kontuz ibili behar du. -Jolasa praktikan jarri ondoren talde-hausnarketa (nola irten den jolasa, egin daitezkeen moldaketak, etab.): hasieran, haur askori erori zaie zakutxoa lurrera eta beste haurrek ez diete gehiegi lagundu beraiei erortzeko beldurrez. Gainera, erortzen zitzaionak laguntza eskatzen zuen baina gogoratu diegu ezin dutela hitz egin izoztuta geratu direlako. Komunikatzeko keinuak egitea proposatu diegu. Ondoren, berriro azaldu dugu beste haurrei lagundu behar zaiela zakutxoa jasotzen gero beraiek ere guri lagundu diezaguten. Pixkanaka jolasa ulertu da eta haurrak gustura eta elkarlanean aritu dira. -Jolasaren argazkia/marrazkia:

Jolasaren fitxa

-Jolasaren izena:  Izenak ikasiz -Iturria (nondik hartu den jolasa: Juan, M., Oliveras, A., P,. P., Calduch, N. eta Lago, J. R. (2010). -Helburuak: + Gelakideen izenak ikastea. + Haurrak elkar ezagutzea talde barneko harreman adiskidetsuak sortuz. ·         + Jolas arauek ezartzen dituzten arau sozial inplizituak eta taldeak jolaserako adosten dituen arauak onartzea, kasu honetan, txandak errespetatzea. -Haurraren adina: 4 urtetik aurrera. -Partaide kopurua: 20 pertsona inguru. -Materiala: Baloi bat -Deskribapena: Jokalari guztiak zirkulu bat osatuz eseriko dira. Haurretako bat, baloiarekin zirkulu erdian jarriko da eta bere izena esan ondoren gelako bati pasako dio baloia bere izena esanez: “ Nahia izena dut eta baloia Mikeli pasako diot”, eta jarraian, izendatutakoa zirkulu erdian jarriko da. Orain, bera izango da berdina egingo duena. Jokoa, denak erdian egon direnean bukatzen da. -Jolasa praktikan jarri ondoren talde-hausnarketa (nola irten den jolasa, egin daitezkeen moldaketak, etab.): Joko hau oso erraz burutu dute. Denen izenak dagoeneko oso ondo dakizkite eta ondorioz, ez dute zalantza handirik izan baloia pasatzerako orduan. Askotan, aurrekoak esaten zuen izena errepikatzen zuten baina berriro azaldu diegu izena ezin direla errepikatu, eta orduan, ondo egin dute. Ondo egoten da denbora kronometratzea,  zenbateraino ezagutzen diren jakiteko. -Jolasaren argazkia/marrazkia:

Jolasaren fitxa

-Jolasaren izena: Kontrolatu zure parrea. -Iturria (nondik hartu den jolasa): Internetetik (Jolas kooperatiboa, zer da powerpointetik). -Helburuak: +Ondo pasatzea jolasten eta bakoitzaren gorputza eta beste kideen gorputza ezagutzen barrea eragiten eta barre egiten. +Hitzik gabeko adierazpena lantzea, mugimenduak soilik egingo dituztelako bate besteari barrea eragiteko. -Haurraren adina: 4-5 urtetik aurrera. -Partaide kopurua: Nahi duten haur guztiek jolastu ahal dute, baina binaka jarri behar direla kontuan hartuta. -Materiala:--- -Deskribapena: Bikoteka, jokalari bat bestearen parean jartzen da. Lehenengoak keinuak egiten ditu eta aurpegia deformatzen du beste jokalariari barre eginarazteko, hau aldi berean serio egoten saiatzen da. Barre egiten duenean, papelak aldatzen dituzte eta jolasa berriz hasten da. -Jolasa prakikan jarri ondoren talde-hausnarketa (nola irten den jolasa, egin daitezkeen moldaketak, etab.): Hasieran ulertu zutela esan zuten baina jolasean hasitakoan ezetz konturatu ginen; izan ere, batak bestearen gorputza jotzen zuen besteak parre egiteko eta ez zuen bere gorputzarekin egiten. Gero berriz azaldutakoan hori ezin zela egin ulertu zuten eta ondo egin zuten. Arauak errespetatu zituzten eta bata beste ukitu gabe jolasean aritu ziren. Hala ere, oso txikiak direnez, segituan egiten zuten parre, ia ez zuten ezerren beharrik parre egiteko. -Jolasaren argazkia/marrazkia:

Jolasaren fitxa

-Jolasaren izena: Lagunen pasiloa -Iturria (nondik hartu den jolasa):Juegos cooperativos y creativos para grupos de niños de 4 a 6 años. Maite Garaigordobil. -Helburuak:    + Norberaren auto-estimua lantzea eta gauza politak esanez gero bere buruarekin gustura sentitzea. +Bakoitzaren txanda errespetatzea eta besteek hitz egiten daudenean entzutea eta atentzioa jartzea. +Haurrak elkar ezagutzea. +Besteengan konfiantza izatea. +Jaso eta konpartitzearen plazerra sentitzea. -Haurraren adina: 4-5 urte. -Partaide kopurua: Talde ez oso handia (10 inguru) -Materiala: Ezer ere ez -Deskribapena:  Haurrak bi ilaratan jarriko dira, bata bestearen parean, pasillo bat osatuz. Txandaka haur bakoitza pasillotik pasatuko da eta kideak berari buruzko gauza positibo eta atseginak esango diote (lagun ona, alaia …) edo keinuen bitartez beraien alaitasuna transmitituko die (musu bat, besarkada bat …). -Jolasa praktikan jarri ondoren talde-hausnarketa (nola irten den jolasa, egin daitezkeen moldaketak, etab.): Jolasa praktikan jartzerakoan, haur gehiegi zirela konturatu nintzen, beraz, ez zen nik uste nuen bezala irten. Gainera, gauza politak esateko esan nienean lotsatuta azaldu ziren eta belarrira esaten ziren baina nik altuan esateko eskatu nien. Batzuk isilik gelditzen ziren zer esan ez jakinez. Gehienak aurrekoak esandakoa kopiatzen zuten (guapa, tio bueno … edo muxu bat ematen zien, gehienak egin zutena). Ume asko izatean, atzean zeuden umeak deskonektatu egiten zuten eta aspertu egin ziren. -Jolasaren argazkia/marrazkia:

Jolasaren fitxa

-Jolasaren izena: Maleta -Iturria (nondik hartu den jolasa): Juan. M, Oliveras. A, Pi. P, Calduch. N eta Lago. J. R. (2010). -Helburuak: + Haurrak elkar ezagutzea talde barneko harreman adiskidetsuak sortuz. + Hitzezko komunikazioa lantzea; gainontzeko haurren aurrean komunikatzeko gai izatea: azaltzea, elkarrizketa, negoziatzea... + Jolas kooperatiboak hezkuntza tresna bezala erabiltzea. + Garapen morala: gainontzeko haurrarekiko jardunean jolas arauek ezartzen dituzten arau sozial inplizituak (txandak, kooperazio egitura, rolak...) . -Haurraren adina: 4 urtetik aurrera. -Partaide kopurua: Talde handia: 20-30 pertsona. -Materiala: Maleta bat. Astero bakoitzak hiru objektu. -Deskribapena: Jolas honi hasiera emateko irakasleak egun batean maleta bat eramango du ikastolara. Ikasle guztien aurrean, barruan dituen hiru objektuak aterako ditu, berarentzako bereziki bereziak eta esanguratsuak diren hiru objektu. Adibidez, mendiko bota pare bat, mendira joatea asko gustatzen zaiolako; asko gustatzen zaion liburu bat… Astero edo irakasleak erabakitzen duen bakoitzean, maleta ikasleetako bati utziko dio eta berdina egin beharko du. Bakoitza bere objektuen inguruan ari den bitartean gainontzekoek galderak eragin diezaizkieke. Modu honetan, ikasle guztiek beren hiru objektu gustukoenak gainontzeko ikaskideei erakusten bukatuko dute. -Jolasa praktikan jarri ondoren talde-hausnarketa (nola irten den jolasa, egin daitezkeen moldaketak, etab.): Nahiz eta talde osoaren ebaluazioa ezin den egin denboraren ondorioz, lehenengo haurrengan lotsa nabariagoa zela esango nuke eta asteak igaro ahala, gainontzekoen interesa eta parte hartzea aktiboagoa. Haurrak bere txanda danean gainontzekoekin batera disfrutatu egiten du. Eta gainontzeko haurrak pazientziaz eta uste baina hobekiago errespetatu dute laguna eta interesez aditzen zuten honen azalpena. Egia da beraiek komentatu behar zutena esaterako garaian itsaroiea ez zutela oso gogoko eta askotan txandak errespetatzea zaila gertatzen zela. Dena dela, hau lehenengo saiotik honarte, asko aldatu da; denborak denen arteko komunikaziorako arau minimoak barneratzea suposatu die haurrei, modu naturalean. -Jolasaren argazkia/marrazkia:

Jolasaren fitxa

-Jolasaren izena:  Mandalak egiten -Iturria (nondik hartu den jolasa): Samaniego ikastetxea. -Helburuak:  + Elkar-lana: marrazkia ondo marraztu ahal izateko elkarrekin lan egin beharko dute eta lana nola banatuko duten erabaki. + Pazientzia: Marrazki aldrebes xamarra denez haurrek pazientzia handiz eta gauza txikietan atentzioa jarriz aritu beharko dute. + Kontzentrazioa: mandalak margotzeko beharrezkoa da kontzentrazioa. -Haurraren adina: 4-5 urte. -Partaide kopurua: 2,3 eta 4 pertsonako taldeak. -Materiala: mandalaren marrazkia paperean, errotulagailuak. -Deskribapena:  Talde txikietan jarriko dira eta talde bakoitzak paper bakarra izango du. Haurrek mandala hori margotu beharko dute originala begiratuz eta hau bezala margotuz. Horretarako elkar-lanean aritu beharko dute eta bakoitzak zein zati egingo duen erabaki. -Jolasa praktikan jarri ondoren talde-hausnarketa (nola irten den jolasa, egin daitezkeen moldaketak, etab.): jolas lasaia den arren gauza asko lantzeko aukera eman digu. Haurrak oso kontzentraturik aritu dira eta elkarrekin erabaki dute nola aritu lanean. Asko gustatu zaie nola gelditu diren eta pasilloan zintzilikatu ditugu. -Jolasaren argazkia/marrazkia:

Jolasaren fitxa

-Jolasaren izena:  Opari sorpresa -Iturria (nondik hartu den jolasa):Juegos cooperativos y creativos para grupos de niños de 4 a 6 años. M. Garaigordobil. -Helburuak:    + Talde lanean kohesioa izatea eta gelako giroa ona izaten laguntzea. +Jolasten ari direnean ondo pasatzea eta disfrutatzea. +Jaso eta konpartitzearen plazerra sentitzea. +Norberaren txanda errespetatzea -Haurraren adina: 4-5 urte. -Partaide kopurua: Talde handia (20 inguru). -Materiala: Musika (CD), tamaina desberdinetako kaxak (8 inguru, bata bestearen barruan sar daitezkeenak), opariak (kromoak, margoak, gozokiak … (bakoitzarentzat bat gutxienez). -Deskribapena:  Lehendabizi, irakasleak tamaina desberdinetako hainbat kaxa prestatuko ditu eta bata bestearen barruan sartuko ditu, handitik txikira, txikienean oparia egongo delarik. Kaxa bakoitza oparirako paperarekin bilduta egongo da. Haurrak borobilean eseriko dira eta oparia duen kaxa bat dagoela esango zaie. Kaxa musika martxan dagoenean soilik pasatu beharko dela azalduko zaie (beraien artean kaxa pasatu beharko dute, ordenean). Beraz, musika dagoenean kaxa ume batetik bestera pasatzen joango da eta musika gelditzean, momentuan duen umeak kaxa zabalduko du, papera kenduz, eta beste kaxa bat dagoela ikustean, berriro musika jarri eta jolasten jarraituko da. Azkeneko kaxa zabaltzen duen haurrak bertan dauden opariak denon artean banatuko ditu. -Jolasa praktikan jarri ondoren talde-hausnarketa (nola irten den jolasa, egin daitezkeen moldaketak, etab.): Jolasa oso ongi irten da. Hasieran, kaxa (paketea) ikusterakoan umeak emozionatu egin dira eta jolasteko gogo asko zeukatela onartu dute. Jolasa azaldu eta segituan hasi gara, pozik zeuden, musika noiz gelditu zain, niri begira. Musika lehenengo aldiz gelditu dudanean, tokatu zaionarengana hurbildu dira denak, baina bakoitza bere tokira bueltatzeko esan diet, bestela ez dugula zabalduko esanez, beraz, bakoitza bere lekuan zegoenean kaxa zabaldu dute. Lehenengoa zabaltzerakoan, bigarrena ere zabaltzen hasi dira, beraz, nik hartu dut kaxa eta berriro ongi azaldu diet, banaka (kaxa zabaldu) izan behar dela. Berriro musika jarri dut eta jolasean jarraitu dugu. Jolasa iraun duen denbora guztian umeak pozik ikusi ditut, denok nahi zuten beraiei tokatzea. Azkeneko kaxa zabaldu duenak, bertan zeuden opariak (txupa-txusak) denon artean banatu ditu. -Jolasaren argazkia/marrazkia:

Jolasaren fitxa

-Jolasaren izena: Gelako marrazkia -Iturria (nondik hartu den jolasa): Garaigordobil, M. (2005) -Helburuak: + Gelan, giro aproposa sortuz, elkarrezagutza, harreman estuagoak eta kooperazioa indartzea. + Bakoitzak ondokoarekin elkarrizketa bidea eta adostasuna erabiliz bere sentimenduak adieraztea. + Sormen-grafiko-figuratiboa lantzea. + Jolas kooperatiboak hezkuntza tresna bezala erabiltzea. -Haurraren adina: 4-5 urte. -Partaide kopurua: Gela oso bat. 20 ikasle inguru. -Materiala: Biltzeko papera; hainbat metro. Hatz margoa; hainbat koloretako ontzi batzuk (beti oinarrizko koloreak). Plastikozko plater edo erretiluak, margoa bertan jartzeko. Zapiak edo papera, eskuak garbitzeko. Jokalari bakoitzarentzako zabor poltsa handi bat. -Deskribapena: Honako jarduera honeatan, ikasle guztiak biribilean jarriko dira, eta erdi-erdian biltzeko paper zati handi bat jarriko da (parte hartzaile giztien aztarnak uzteko modukoa). Era berean, talde bakoitzak plastikozko zenbait plater edo erretilu izango ditu, eta hainbat koloretako hatz margoak jarriko dira bertan. Beste plater batzuk ere izango dituzte; hutsak horiek, koloreak bertarn nahastu ahal izateko. Jolasaren ardatza da haur guztiek bustitzea beren eskuak kolorez eta ondoren beraiek nahi dutena egitea paperean, horrela beraien aztarnak paperean utziko dituzte. Musika lasaia jar daiteke haurrak ekintza egiten ari diren bitartean. Parte-hartzaileek beren arropa zikindu ez dezaten, zabor poltsa handiak erabil daitezke: zulo bat egin, hortik burua sartzeko, eta beste bi zulo egin, besoak ateratzeko. Jarduera hau egiteko, musika lasai- lasaia jartzea gomendatzen da. -Jolasa praktikan jarri ondoren talde-hausnarketa (nola irten den jolasa, egin daitezkeen moldaketak, etab.): Marrazkia bukatutzat eman ostean, arbelaren gainean jarri dugu zintzilik eta haurrak borabilen marrazkiari begira. Horrela zeudela banan bana galdetu diegu ea  bakoitzak zer egin duen, altxa eta gainontzekoei erakusteko aukera eman diegu; lotsatiek labur- labur aipatu digute beraien azternaren nondik norakoa, ordea, hainbat haur egon dira altxa eta gustora kontatu digutenak zer, nola eta zezrgatik egin duten. Bakoitzaren azalpenekin bukatu ondoren ea emaitza gustatu zaien eta zer moduz sentitu diren galdetu dira eta ondoriotzat esan oso ondo ateratzeaz gain haurrak oso oso gustora geratu direla ekintzarekin eta oso ondo pasa dutela ekintzan zehar.  -Jolasaren argazkia/marrazkia:

5.2. Jolas aktiboak:

Jolasaren fitxa

-Jolasaren izena:  Besarkada musikalak. -Iturria (nondik hartu den jolasa). Garaigordobil, M. (2005). -Helburuak:  +Ez-hitzezko komunikazioaz ohartu, landu eta etorkizunean erabiltzea. + Talde barnean kohesioa izatea. Besakaden bidez taldekideekin duten lotura handituz. +Emozioak adieraztea eta sentitzen dutena besteekin konpartitzea. -Haurraren adina: 4-5 urte. -Partaide kopurua: 10-30 pertsona. -Materiala: Magnetofonoa edo CDa eta zinta, haurrentzako musika biziarekin. -Deskribapena:  Musika bizia entzuten den bitartean, haurrek jauziak emango dituzte eta modu librean arituko dira dantzan ikasgela barnean. Musika geratzean, berriz, (pertsona helduak geratuko du) haur bakoitzak inguruan duen kideren bat besarkatu beharko du. Haur guztiak elkarri besarkatuta daudenean (pareak ez badira, hirunaka ere besarka daitezke), berriz ere musika jarriko da, eta parte-hartzaileak berriro hasiko dira jauzika eta dantzan, harik eta berriz musika gelditzen den arte. Orduan, beste kideren bat besarkatu beharko dute berriz ere. Horrela arituko dira zortzi edo hamar saio egin arte. Jolasaren nondik norakoak adieraztean, komeni da azaltzea alboan duten kidea besarkatu beharko dutela; izan ere, helburua da taldeko ahalik eta kide gehien besarkatzea. -Jolasa praktikan jarri ondoren talde-hausnarketa (nola irten den jolasa, egin daitezkeen moldaketak, etab.): Oso ondo atera da jolasa eta bere helburuak lortu direla uste dugu. Hasieran, egia da lagunaren ondoan ibiltzen zirela gehienak baina irakasleak gela guztitik ibili behar zutela esatean kide desberdinekin elkartzen hasi dira. Modu naturalean besarkatu dute elkar eta ondo pasa dute. Aldaera: lehenengo saioan, binaka bildu dira besarkadan; bigarren saioan, berriz, launaka; hurrengoan, zortzinaka eta horrela haur guztiak besarkada erraldoi batean bildu arte. Bukaera oso polita izan da eta denen artean kohesioa sortu da. -Jolasaren argazkia/marrazkia:

Jolasaren fitxa

-Jolasaren izena:  Giza alfonbra -Iturria (nondik hartu den jolasa): Villanueva, M. (2012). -Helburuak: +Plazera: Jolas hau aproposa da jolasaren ezaugarria hau lantzeko. Haurrek beren gorputzekin gozatu eta plazera sentitzea helburu nagusietako bat da. + Integrazioa: giza alfonbra osatuz eta kontaktua izanez denak integratuta sentitzea lortu nahi da.  + Lankidetza: haurrek elkar lagundu beharko dute alfonbra elkartuta mantendu dadin. -Haurraren adina: 4-5 urte. -Partaide kopurua: 10-20 pertsona. -Materiala: --- -Deskribapena:  Jolas honetan, ume guztiak lurrean ahoz behera daudelarik , beste aldean dagoen haurrak enbor bat balitz bezala errodatu behar du beste aldera iritsi arte. Alfonbra osatzen dutenak jarrera horretan mantentzea oso garrantzitsua da jolasa ongi ateratzeko.Ondoren, gainetik pasa direnek osatuko dute alfonbra. -Jolasa praktikan jarri ondoren talde-hausnarketa (nola irten den jolasa, egin daitezkeen moldaketak, etab.): oso ondo atera zen jolasa. Haurrek oso ondo pasa zuten eta beren gorputzekin besteen gainetik pasatzen asko disfrutatu zuten eta plazera sentitu zuten. Inor ez zen parte hartu gabe geratu eta txandak errespetatzen ikasi zuten. Jolasa errepikatzeko gogoz geratu ziren. -Jolasaren argazkia/marrazkia:

Jolasaren fitxa

-Jolasaren izena: Itsua eta gidaria. -Iturria (nondik hartu den jolasa): Internetetik (Jolas kooperatiboa, zer da powerpointetik). -Helburuak:  + Ezkerra, eskubia landu; sorbaldako mugimenduak sumatzean alde batera ala bestera mugitzen. + Bi haurren arteko kooperazioa, aurrera egiteko ezerren aurka jo gabe. + Haurren artean ezagutu eta taldean kooperazioa landu; gidatzerako orduan bata bestearen gorputza ezagutu. + Laguntza eman eta jaso, bide onetik joateko. + Hitzik gabeko adierazpena landu; izan ere, sorbaldan ukituz komunikatu behar dira eta ezin dira euren artean ukitu. -Haurraren adina: 4-5 urtetik aurrera. -Partaide kopurua: Nahi duten haur guztiek jolastu ahal dute, baina binaka jarri behar direla kontuan hartuta. -Materiala: Oztopoak (aulkiak, mahaiak, baloiak, konoak, uztailak…). -Deskribapena: Bikoteka jokalari bat itsua izango da eta bestea gidaria. Gidariak eskuak itsuaren sorbalda gainean jarriko ditu eta presio txiki batzuen bidez, gelatik gidatuko du, oztopoen kontra egin gabe. Ezkerreko sorbaldan presioa eginez gero, itsua ezkerreruntz joango da eta alderantziz.Gero, papelak aldatu eta jolasa berriz ere hasi egingo da. -Jolasa prakikan jarri ondoren talde-hausnarketa (nola irten den jolasa, egin daitezkeen moldaketak, etab.): Jolas hau ulertu zuten eta gustura aritu ziren baina hala ere,askok arazoak zituzten zein aldetara joan behar zuten konturatzeko (ezkerrera, eskuinara); beraz, beharbada pixka bat nagusiagoak diren haurrentzat egokiagoa litzateke; beharbada lehen hezkuntzarako, ezkerra, eskubi lantzeko jolas bikaina delako. Ez zen ondo irten jolasa. -Jolasaren argazkia/marrazkia:

Jolasaren fitxa

-Jolasaren izena: Hitzak sortuz -Iturria (nondik hartu den jolasa): Garaigordobil, M. (2007 -Helburuak:  + Hizkiak sortzeko orduan arreta lantzea eta horrekin batera, sormena. + Letrak lantzea talde bakoitzak hizki bat eginez. + Taldekideen arteko kohesioa sustatzea, guztiek bat eginez hizki bat sortzeko. + Ikasleen artean komunikazioa lantzea, hala nola, haien artean hitz egitea hizkia nola irudikatuko duten jakiteko. + Portaera prosoziala lantzea: laguntzea, kooperatzea, … eta denen artean hitza sortzen saiatzea. -Haurraren adina: 4-5 urte. -Partaide kopurua: 3 haurreko talde txikiak -Materiala: --- -Deskribapena: Talde handia, talde txikitan banatuko da, talde guztietan haur kopurua bera egoten sahiatuz.Orduan, irakasleak  hitz bat esango du ( adb: ura). Talde bakoitzak, hitz horren hizki bat hartuko du. Jarraian talde bakoitzak egokitutako hizkia irudikatu beharko du lurrean etzanda. Ondoren, argazkia atera daiteke haurrek emaitza ikusi dezaten. -Jolasa praktikan jarri ondoren talde-hausnarketa (nola irten den jolasa, egin daitezkeen moldaketak, etab.): Joko hau egiteko nahiko zailtasun izan ditugu. Oraindik idazketa oso ondo barneratu ez dutenez, nahiko kostatu zaie letrak irudikatzea. Ondorioz, ez dugu hitzak sortu, izkiak soilik. Errazteko, arbelean idazten genuen letra, adibidez “A” eta lagundu egiten genien hura irudikatzeko orduan. Jokoa nahiko zaila egin denez, ez zaie asko gustatu. Jokoa dibertigarriagoa egiteko, letrez gain irudi errazak sor ditzaten proposatu daiteke. -Jolasaren argazkia/marrazkia:

Jolasaren fitxa

-Jolasaren izena: Korapilloak -Iturria (nondik hartu den jolasa): http://www.bergarakoeuskara.et/sites/default/files/3-UNITATEA-JOLAS-KOOPERATIBOAK.pdf -Helburuak:     +Norberaren auto-estimua eta auto-kontzeptua lantzea eta norbere bere buruarekin gustura sentitzea. +Bestarengan konfiantza izatea. +Jolastean ondo pasatzea eta dibertitzea +Gorputz atalen ukimenaren (jaso eta eman) bidez plazerra sentitzea. -Haurraren adina: 4-5 urte. -Partaide kopurua:Bikoitiak izan behar dira (4 baino gehiago). -Materiala: Ezer ere ez -Deskribapena: Oso jolas dibertigarria da lau, bost edo sei urteko umeekin jolasteko,  gehiago oraindik, ume bakoitzak heldu batekin bikotea egiten duenean. Parte hartzaileendako jarraipenak errazak dira: elkartu zure ukondoak beste baten ukondoarenarekin; eta belaunak, orkatilak, belarriak, sabela, zilborrak... Txikienak, normalean, esandako lehen atala ukitu eta hurrengoa egiteko lehenengoa apurtu egiten dute, bai gorputza gorputzarekin edo eskua gorputzarekin izan.  Nagusienak, berriz, aldi berean bi edo hiru lotura mantendu dezakete. Adibidez, bihetzak ukitu ahal dute, horiek elkartuta mantendu eta sorbaldak ukitu. Ondoren, aurreko loturak mantenduz, beste atal bat ukitu dezakete (esate baterako, euren buruen alde biak). Edo eskatu ahal diegu lehenengo lotura apurtzea, bigarrena mantentzea eta hirugarren bat gehitzea. Korapilo ugari sortu ahal izango dituzu bikoteen artean edo taldean; eta jolasaren aldaera berria sortzeko, saiatu korapilauta ibiltzen. -Jolasa praktikan jarri ondoren talde-hausnarketa (nola irten den jolasa, egin daitezkeen moldaketak, etab.): Praktikan jartzean jolasa, nahiko ondo irten da, eta umeak ondo pasatu dutela ikusi dut. Borobilean jarri dira binaka ilara bat eginez, poliki -poliki aurrera ibiltzen joanez,  eta ni jarraipenak esaten joan naiz (ukitu bata bestearen sabela, ipurdia …).  Hasieran, batzuk aurrekoan gorputz atala ukitu dute bere bikotearena beharrean, beraz, berriro azaldu dut eta berriro hasi gara. Ondoren, jolasa ongi irten da. Gorputz atal batzuk esan ondoren, jolasa bukatutzat eman dut. Momentu batean, bata bestearen sudurra ukitzeko esaterakoan, haur batek bere sudurra ukitu du bestarena beharrean. -Jolasaren argazkia/marrazkia:

Jolasaren fitxa

-Jolasaren izena: Laguna altxatzen -Iturria (nondik hartu den jolasa): http://www.bergarakoeuskara.et/sites/default/files/3-UNITATEA-JOLAS-KOOPERATIBOAK.pdf -Helburuak:     +Bikotearen artean kohesioa izatea batera altxatu eta jaitsi ahal izateko. +Bi pertsonen arteko komunikazioa egotea batera egiteko.  +Bestearengan konfiantza osoa izatea. -Haurraren adina: 4-5 urte. -Partaide kopurua: 2 baino gehiago (6-8 bikote) -Materiala: Ezer ere ez. -Deskribapena:  Umeak binaka jarriko dira bata bestearen parean. Lurrean eseriko dira hanka-azpiak lurraren kontra jarriz eta hanka-puntak beste kidearenarekin elkarri ukituz. Belaunak tolestuta izango dituzte eta eskuetatik helduko dira. Horrela daudelarik, elkarri tiratuz eta indarra eginez batera altxatzen saiatuko dira, eta ondoren, berriz esertzen saiatuko dira. -Jolasa praktikan jarri ondoren talde-hausnarketa (nola irten den jolasa, egin daitezkeen moldaketak, etab.): Praktikan jartzean, hasieran haur batzuk hankak mugitzen zituzten, hau da, ez zuten oinak geldirik mantentzen, beraz, errazago altxatzen ziren. Baina oinak lurrean pegatuta edukitzeko esan ondoren, ongi irten da, hau da, oinak mugitu gabe altxatzen eta berriro esertzen saiatu dira. Aldaera: aurrera egin beharrean atzera egiteko aukera ere badago, hau da, bizkarra bata bestearen kontra jarri, bi lagunen besoak nahastu eta indarra eginez altxatu, eta gero berriro eseri. -Jolasaren argazkia/marrazkia:

Jolasaren fitxa

-Jolasaren izena: Matxinsaltoa. -Iturria (nondik hartu den jolasa): Ahozko transmisioa. -Helburuak:  + Haurren arteko kooperazioa landu matxinsaltoa mugitzerako orduan eta baloia lurrera erori ez dadin saiatzean. + Taldena jolasteko beste modu batzuk ezagutu. + Portaera pro-sozialak; hau da, guztien artean laguntza eman bata besteari. + Arreta landu, baloia lurrera erori ez dadin. -Haurraren adina: 4-5 urtetik aurrera. -Partaide kopurua: Nahi duten haur guztiek jolastu ahal dute. -Materiala: Manta edo zapi handia eta baloia. -Deskribapena: Manta edo zapi haundi baten inguruan jarriko dira umeak. Erdi-erdian baloi edo globo bat jarriko dugu (matxinsaltoa). Denen artean mantxinsaltoak saltoak emateari ez uztea lortu behar dute. -Jolasa prakikan jarri ondoren talde-hausnarketa (nola irten den jolasa, egin daitezkeen moldaketak, etab.): Jolas hau ez zen ondo atera; ez zuten ulertzen hasieran emandako azalpena eta ondoren jolasa gelditu eta berriz azaldu genuen. Nahiz eta bigarren aldi honetan ulertu, ez zen ondo atera baloia eskuekin hartzen zutelako, beste batzuek hankarekin ostikoak jotzen… Beraz, moldaketa batzuk egitea egokia litzateke adin haueko haurrentzat; hala nola, zapia erabili beharrean eurak “matxinsaltoa” direla esan, beraz, eskutik eskura pasa behar dutela baloia. Ezin izan zituzten arauk ondo barneratu; eta bestalde indarra behar da jolas honetarako eta batzuek ezin zuten. -Jolasaren argazkia/marrazkia:

Jolasaren fitxa

-Jolasaren izena:  Noeren arka/ontzia -Iturria (nondik hartu den jolasa):Juegos cooperativos y creativos para grupos de niños de 4 a 6 años. Maite Garaigordobil. -Helburuak:    +Arreta, oroimena eta txandak errespetatzea. +Denon artean kohesioa izatea taldeetan banatu ahal izateko. +Tokatu zaion papera (animalia) interpretatzeko gai izatea “antzeztuz”. +Antzezten dagoen bitartean besteei entzuteko gaitasuna izatea. +Bere taldekoekin elkartzeko gaitasuna izatea. -Haurraren adina: 4-5 urte. -Partaide kopurua: Talde handia (15-20) -Materiala: Animalien txartelak (erabiliz gero) -Deskribapena:  Haurrak borobilean daude. Hasieran lau animali planteatzen dira eta denok batera euren soinuak imitatu behar dute, denok jakiteko bakoitzaren soinua zein den. Ondoren, haur bakoitzari animali baten txartela banatzen zaio (edo belarrira esaten zaio) animalien banaketa orekatua izanez. Jarraian, ume bakoitzak rol bat duenean, bakoitzari tokatu zaion animaliaren mugimenduak eta soinua egiten hasiko dira. Jolas honen helburua haurrak klasetik ibiltzea da animalien papera irudikatzea eta familia bereko animalia duen lagunekin elkartzea da. -Jolasa praktikan jarri ondoren talde-hausnarketa (nola irten den jolasa, egin daitezkeen moldaketak, etab.): Jolasa praktikan jartzerakoan, animalien kopuruak orekatuak izan ziren eta bakoitzari belarrira esan ondoren eta irakasleak esan arte ez esateko esan ondoren, batzuk altuan zein animali tokatu zitzaien esan zuten eta beste batzuk tokatutako animaliaren soinua egiten hasi ziren, niri kasurik egin gabe. Ondoren, mugimenduak egiten hasi zirenean, denok pilatuta geratu ziren, hau da, ez ziren gela osotik mugitu, hortaz, animali multzoak ez ziren ongi bereizten. Haur asko direnez, pixka bat nahasia irten da eta taldeetan banatzerakoan ez dira oso ongi banaketak ikusi. Aldaera: Irakasleak haurrari rol desberdinak (bi animali; ahatea eta igela) banatuko die, klase erdia animali bat izango da eta beste erdia bestea. Rolak banatu ondoren, haurrak begiak itxiko dituzte eta tokatu zaien animaliaren soinua irudikatzen hasiko dira. Helburua klasetik ibiltzea da animaliaren soinua egitea eta familia bereko kideekin elkartzea da. Kideak elkartzean, eskutik helduko dira, begiak zabalduko dituzte eta soinua egiten jarraituko dute (erreferentzia gisa besteentzat). Horrela, kadenetak osatzen joango dira bi taldetan banatura gelditu arte. *Aldaketa hau zailagoa da haurrak begiak itxita dituztelako eta animalien soinua nahiko antzekoa delako. -Jolasaren argazkia/marrazkia:

Jolasaren fitxa

-Jolasaren izena:  Oinetako itsuak -Iturria (nondik hartu den jolasa): http://www.aisia.net/jolasak/itsuka/oinetako-itsuak. -Helburuak: + Begiak itxiko direnez eta beste kide baten esku egongo direnez, haurren arteko konfiantza lantzea + Entzumena eta arreta lantzea bikotekidearen aginduak entzunez. + Taldean ondo lan egiteak ematen duen poztasuna sentitzea oinetakoa aurkitzean. + Laguntza harremanak eta talde lankidetzarako gaitasuna garatzea, hala nola itsuaurrekoak itsuari laguntza emanez eta bien artean helburua lortzen. -Haurraren adina: 4 urtetik aurrera. -Partaide kopurua: Bi pertsonako taldeak -Materiala: --- -Deskribapena: Jolaskideak binaka jarriko dira. Bikote bakoitzeko kide bat "itsua" izango da, eta bestea, "itsuaurrekoa". Itsuaurrekoen papera egiten dutenek oinetakoak erantziko dituzte eta jolastokiaren erdian jarriko dituzte. Oinetako guztiek batera egon behar dute, nahaspilatuta. Jolasaren helburua itsuek bere bikotekidearen oinetakoak aurkitzea eta hari eramatea da. Horretarako itsuaurrekoak lagunduko dio aginduak emanez. Itsuaurrekoa itsuaren ondotik joango da. Itsu guztiek bikotekideen oinetakoak lortu dituztenean, paperak aldatuko dira eta berriro hasieratik hasiko dute jolasa.  -Jolasa praktikan jarri ondoren talde-hausnarketa (nola irten den jolasa, egin daitezkeen moldaketak, etab.): Jokoa nahiko ondo atera da. Esan beharra dago, haur askok begiratu egiten zutela, ez baitziren asko fiatzen eta haur askok eskua ematen zioten lagunari laguntzeko. Berri azaldu degu ezin dela kontakturik egon eta hurrengoan ondo egin dute. Kostatu zaie zapatak aurkitzea baina gure laguntzarekin lortu dute. Gure laguntza eskaini diegu itsuari azalpenak emateko orduan zalantzak eduki dituztelako, eta gainera, esan beharra dago oraindik eskuin eta ezkerra ez dutela ondo menperatzen. Agian joko hau kurtso bukaerarako izango zen aproposagoa, konfiantza gehiago dutenerako. -       Jolasaren argazkia/marrazkia:

5.3. Jolas oso aktiboak:

Jolasaren fitxa

-Jolasaren izena: Ez dadila globoa erori! -Iturria (nondik hartu den jolasa):La poenza.  -Helburuak: +Globoak lurra ukitu aurretik denak esertzeko eta talde guztiak helburu berbera lortzeko arazorik ez duela ikustea. + Aktiboa denez tentsioa arintzeko jolasa baliagarri izatea. Jolasten ondo pasa eta gozatzea. + Emaitza lortutakoan taldean lortutako emaitzarekin poztasuna sentitzea. -Haurraren adina: 4-5 urte. -Partaide kopurua: 10 ikasle inguru baino handiagoa. Egokiena 20 haur inguru izango litzateke. -Materiala:Puxikak.  -Deskribapena Globo bat izango dute gelako kide guztiek. Globoa goraka bultzatu beharko dute, ez dezan lurra ikutu. Ikutu bezain laister haurrak eseri egingo dira. Eta gainontzekoen artean berdina egingo dute denak eserita gelditu arte. Aukera bat baino gehiago utzi daitekeen arren, helburua haur guztiak lurrean eserita geratzea da globoak lurra ikutu aurretik. Talde txikiarekin segituan bukatuko litzateke jolasa eta horrenbestez agian pixka bat aspergarria gerta daiteke; kasu honetan, saio bat baino gehiago egin daiteke. Alderantzizkoa ere gerta daiteke ordea; talde handiegia bada, hau da, 30 ikasletik gorako talde batean lehendabizi esertzen diren haurrak aspertu daitezke eta “eliminazio”sensazioa barneratu dezakete. Horregatik 20 haur ingururekin egiteko jolasa dela esan genezake. -Jolasa praktikan jarri ondoren talde-hausnarketa (nola irten den jolasa, egin daitezkeen moldaketak, etab.):  Globo bat baina gehiago erabili behar izan zuten leherketak izan zirelako. Jolasa ondo burutu zuten eta ondo pasatu zuten. Hasieran,jolasa ondo ateratzeko intentzioz 24ko gela 2 zatitan banatu genuen; baina, jolasa oso azkar bukatu zela ikustean talde osoarekin saiatu ginen eta askoz ere hobeto atera zela eta askoz ere gehiago dibertitu zirela ikusita saioa beste behin errepikatzea bururatu zitzaigun. -Jolasaren argazkia/marrazkia:

Jolasaren fitxa

-Jolasaren izena: Giza korapiloa -Iturria (nondik hartu den jolasa): Kometa (2012)  -Helburuak: + Postura eta ikuspuntu desberdinak eduki arren denen artean taldekidetzan eta gelako giro sozial aproposean korapiloa askatzeko mugimenduak pentsatu eta burutzea. + Hitzezko komunikazioa erabiltzea: korapiloaren barrukoak kanpoan dagoenari beraien ikuspuntutik nola egin azaltzea,denen artean mugimenduen erabakiak adostea... + Haurrak elkar ezagutzea talde barneko harreman adiskidetsuak sortuz. + Jolasten ondo pasa eta gozatzea. + Guztien artean helburu komun bat gauzatzeko gai direla konturatzea, kasu honetan, korapiloa denen parte hartzearekin eta pieza guztien mugimenduarekin askatzea. -Haurraren adina:5 urte. -Partaide kopurua: 10 ume inguru(bestela asko konplikatzen da) -Materiala:-  -Deskribapena Denak, eskutik emanda beraien artean korapilo moduko bat eginez liatzen dira eta beraiei korapiloa nahikoa dela iruditzen zaienean STOP esan eta dauden bezala geratu behar dute. Korapiloan sartu gabe geratu den bakarraren(aukeran bi ere izan daitezke)lana, korapiloko kideak askatu gabe korapiloa askatzea izango da aginduak emanez. Korapilo barruan daudenek, lagun diezaieke beraien ustez nola egin beharkolitzatekeen esanez… Ikuspuntu desberdinak elkartuz; kanpotik ikusten dena, korapilo barruan dagoenarekin. -Jolasa praktikan jarri ondoren talde-hausnarketa (nola irten den jolasa, egin daitezkeen moldaketak, etab.): Nahiz eta teorian erraza dirudien, praktikan jartzerako garaian ez da hain erraza. Komenigarria da, korapiloa egiterako garaian heldu batek nahikoa dela ikustean geldiaraztea, askatzerako ordurako konplikatuegia ez dadin bihurtu. Elkarren artean ondo komunikatu direnez eta taldea handiegia ez denez izan, nahiz eta uste baino gehiago kosta, lortu dute. Eta garrantzitsuagoa dena, orokorrean pazientzia ez galtzea lortu du taldeak. -Jolasaren argazkia/marrazkia:

Jolasaren fitxa

-Jolasaren izena:  Irlatik paseatzen -Iturria (nondik hartu den jolasa):  ahozko transmisioa -Helburuak: + Hitz gabeko komunikazioa lantzea, hala nola, izozturik gaudenean laguntza eskatzeko, adibidez, keinuen bidez. + Laguntza harremanak eta talde lankidetzarako gaitasuna lantzea, izoztuta dauden kideei salbatzen. + Kideekin kontaktu fisikoa ematea haiek besarkatzen ditugunean. -Haurraren adina: 4-5 urte. -Partaide kopurua: 15 haur -Materiala: Uztailak -Deskribapena:  Gelan zehar, uztaila batzuk jarriko dira. Haurrei kontatuko zaie irla batzuetan daudela eta ura pozoitsua denez, ezingo dutela hura ukitu. Horretarako, uztailen barrutik ibili beharko dute eta norbaitek ura ukituz gero, izozturik geratu da. Bera salbatzeko, bere lagun bat beregana joan beharko da eta besarkada bat eman beharko dio. -Jolasa praktikan jarri ondoren talde-hausnarketa (nola irten den jolasa, egin daitezkeen moldaketak, etab.): Hasiera batean uztailak gertuegi zeudenez, inor ez zen “uretara” erortzen. Hori ikustean, uztailak pixka bat banandu genituen eta jolasa hobeto ateratzen hasi zen. Hala ere, haurren bat erortzen zenean normalean bere lagun bat joaten zen salbatzera. Pixkanaka, beste batzuk ere hurbiltzen joan ziren, ez bakarrik gertuko lagunak. Denbora dexente pasa denean, haurrak aspertzen zeudela nabaritu da, orduan eman da amaiera jokoari. -Jolasaren argazkia/marrazkia:

Jolasaren fitxa

-Jolasaren izena:  Txalupak -Iturria (nondik hartu den jolasa): Gispert, C. y Gárriz, J. (2007).  -Helburuak:  + Elkarri laguntzea denok txalupetan egon daitezen, inor uretara erori gabe. + Taldeko kohesioa lortzea taldeak aldatuz eta denak elkarri lagunduz. + Kontaktu fisikoa ematea txalupetatik ez erortzeko besarkatuz. + Arreta lantzea irakasleak esandako aginduak ondo ulertzeko. -Haurraren adina: 4-5 urte. -Partaide kopurua: 15 haurreko taldea -Materiala: Orri txuriak edo egunkari orriak -Deskribapena: Gelan zehar, paper edo egunkari orriak jarriko dira. Taldeari esaten zaio txalupa ondoratzen hasi dela eta orriak txalupak direnez, bere aginduen arabera salbatuko direla.. Orduan, irakasleak aginduak ematen hasten da, adibidez, “ txalupa 4 pertsonekin salbatzen da”. Norbait bakarrik geldituz gero, beste talde batek hartu beharko dio. -Jolasa praktikan jarri ondoren talde-hausnarketa (nola irten den jolasa, egin daitezkeen moldaketak, etab.): Oso ondo atera da jolasa. Gainera, dibertigarriagoa egiteko, musika jarri da eta musika bukatzean ematen ziren aginduak. Orokorrean aginduak bete dituzte eta bakarrik gelditu denari ondo hartu diote. Hala ere, txalupa bi pertsonekoak egiteko esan denean, ume batek ez zuen tokatu zaion horrekin jarri izan nahi. Honez gain, jokoa pixka bat moldatu dugu, orriak erabili ordez, uztailak erabili ditugu, jokoa erosoago egiteko. -Jolasaren argazkia/marrazkia:

Jolasaren fitxa

-Jolasaren izena:  Txikle jauzilaria -Iturria (nondik hartu den jolasa): Garaigordobil, M. (2002). -Helburuak: + Talde barnean kohesioa izatea: kontaktuaren bidez (eskutik emanda edo hankak batuta) kideen arteko lotura sortzea. + Kooperazioan aritzea: elkartuta dauden kideak batera jauzi egitea eta noren bila joan erabakitzea. -Haurraren adina: 4-5 urte. -Partaide kopurua: 10-25 -Materiala: --- -Deskribapena:  Jolas honetan, jokalari bakoitza txikle likatsu bat izango da, eta “ñam ñam” erritmoan jauzika ibiliko da. Jokalariek bi hankak batu eta jauzika egin beharko dute, modu askean eta ikasgela barnean. Ez da musikarik entzungo, baina jauzika ari diren bitartean “ñam-ñam” esan beharko dute. Txingoa zati batek beste bat ukitzen duenean, itsatsita geratuko dira biak. Pixkanaka-pixkanaka, taldeko kide guztiak elkartzen joango dira, eta, azkenean, txikle erraldoi bat eratuko dute, eta guztiek batera egin beharko dute jauzi. Bizpahiru saio egingo dira. -Jolasa praktikan jarri ondoren talde-hausnarketa (nola irten den jolasa, egin daitezkeen moldaketak, etab.): jolas honetan, haur batzuei gehiago kosta zaie salto egitea eta batzuek ez dute gogo handiegia azaldu. Hurrengo baterako aurretik jolasa pixka bat girotu daitekeela uste dugu; esaterako, asmakizun baten bidez irakaslea zer den asmatu (txiklea); eta ondoren txiklearena egin elkarrekin itsatsiz. Izan ere, bestela haur batzuei ez zaie hain erakargarria iruditzen jolasa. -Jolasaren argazkia/marrazkia:

Jolasaren fitxa

-Jolasaren izena:  Uztai kooperatiboak. -Iturria (nondik hartu den jolasa): Vicent, A. (2005) -Helburuak:  + Haurren arteko kooperazioa landu uztailen barruan sartzerako orduan eta inor kanpoan gera ez dadin eta honekin laguntza eman eta jaso. + Arauak onartu eta barneratu. + Emozioak adierazi musikaren bidez. -Haurraren adina: 4-5 urtetik aurrera. -Partaide kopurua: 30 haur baino gutxiago. -Materiala: Uztaiak eta musika. -Deskribapena:  Uztaiak borobil bat osatuz kokatu behar dira eta haur bakoitza, uztai baten aurrean kokatuko da. Musika hasten denen, haurrak bueltaka hasi behar dira; musika amaitzean,uztailen gainera igo behar dira haur guztiak. Jolasarekin jarraitzeko,uztai bat kenduko da eta berriz berdina egingo da. Musika amaitzean, haur guztiak uztai baten gainean igo behar dira nahiz eta bakoitzak bere uztaia ez izan; inor ezin da lurrean egon. Haur guztiak uztaien gainean ezin direnean jarri amaitzen da jolasa. -Jolasa prakikan jarri ondoren talde-hausnarketa (nola irten den jolasa, egin daitezkeen moldaketak, etab.): Jolas honetan, arazo nagusia egozentrismoa izan zen; hau da, musika gelditzean haur guztiek korrika joaten ziren uztai baten bila eta batzuk bidetik bultzatu egiten zituzten. Gainera, ez zuten ulertzen uztai batean bi pertsona edo gehiago egon ahal zirela eta borrokak hasi ziren. Haurrek uztaila hartu eta “nirea da” esaten zuten; beraz, arauak barneratzeko arazoak izan zituzten eta kooperazioa eta talde lana lantzeko ere. Jolasa aurrera zoan heinean ulertuz joan ziren arauak eta gero ondo irten zen. -Jolasaren argazkia/marrazkia: